Muajin e kaluar, Komiteti i Peticioneve i Parlamentit Evropian miratoi një rregullore që do t’u kërkonte kompanive ajrore t’u siguronin pasagjerëve të drejtën për bagazhe të dorës pa kosto shtesë.
Disa linja ajrore me kosto të ulët fitojnë para duke ngarkuar një shumë shtesë për bagazhin e dorës kur një pasagjer blen një biletë, dhe kjo lejon manipulimin e çmimeve dhe shfrytëzimin e pasagjerëve. Në rastin e Ryanair, pasagjerët mund të sjellin në avion një çantë shpine ose çantë dore pa pagesë, por jo një valixhe.
Gjykata Evropiane e Drejtësisë tregoi se bagazhi i dorës duhet të konsiderohet një e drejtë themelore që ushtrohet me blerjen e biletës.
Rregullorja synon të adresojë problemet me politikat jokonsistente të transportit të linjave ajrore dhe reklamat e paqarta që çojnë në kosto të fshehura. Përveç kësaj, do të lejonte rregullimin e standardeve të bagazheve të dorës pasi agjencitë e linjave ajrore kanë rregulla të ndryshme për peshën dhe madhësinë e lejimit të bagazheve të dorës.
Për t’u zbatuar, rregullorja duhet të miratohet si nga Komisioni Evropian ashtu edhe nga vendet anëtare të BE-së.
/alsat/
