Kryesuesve të La Liga-s, Real Madrid-it, i është dhënë një goditje në përpjekjet e tyre të vazhdueshme për të sjellë Alphonso Davies-in nga Bayern Munich-u.
Kjo është sipas gazetës gjermane “Bild” (siç citohet nga spanjollja “Marca”), të cilët kanë dhënë sot një pasqyrë të zhvillimeve më të fundit në sagën e gjatë.
Natyrisht është e njohur që gjigantët spanjollë Real-i e kanë identifikuar Davies-in si objektivin kryesor të transferimit, me synimin për sezonin e ardhshëm.
I prirur për të përforcuar opsionet e krahut të majtë Carlo Ancelotti shikon yllin e Bayern Munich-ut si shtesën ideale për të tashmen dhe për të ardhmen.
Nga ana tjetër, negociatat janë hapur prej kohësh edhe me vetë Davies-in dhe shoqëruesit e kanadezit.
Madje kuptohet se është arritur një marrëveshje verbale për kushtet e një kontrate mes Davies-it dhe Real-it, të cilët tani do ta kthejnë vëmendjen e tyre të plotë drejt përfundimit të një marrëveshjeje me Bayern-in.
Megjithatë, duket se nuk ka gjasa të realizohet së shpejti.
Kjo vjen mes pretendimeve se kampionët në fuqi të Bundesliga-s kanë paraqitur kërkesat e tyre për një largim të mundshëm veror për Davies-in.
Sipas “Bild”-it të lartpërmendur, një çmim prej 70 milionë eurosh është kërkuar për të lënë të lirë 23-vjeçarin.
Me raportet që kanë treguar prej kohësh për ofertën e Real Madridi-t që pritet të vijë në rajonin prej 30-40 milionë euro, një ndryshim potencialisht i pakapërcyeshëm në vlerësim duket të jetë në tavolinë.
Megjithatë, Bayern-i do të jetë i kujdesshëm pasi nëse kandezi nuk nënshkruan një kontratë të re, atëherë ai do të jetë i lirë të largohet falas pas pak më shumë se një viti. /Albanianpost.com
