Austria i bëri thirrje sot Gjermanisë të respektojë ligjin kufitar të BE-së, ndërsa policia gjermane ka rritur kontrollet.
Fqinjët e Gjermanisë kanë shprehur shqetësim për planet e kancelarit, Friedrich Merz për të rritur kontrollet në kufijtë e vendit dhe për të larguar kërkuesit e azileve, një politikë që kritikët thonë se bie ndesh me ligjin e BE-së.
Ndërsa Vjena ka shprehur mbështetjen e saj për një politikë më të rreptë ndaj emigracionit, ajo ka paralajmëruar administratën e re – e cila mori detyrën dje në Berlin – për rrezikun e shkeljes së ligjeve të BE-së.
“Austria në përgjithësi mirëpret përpjekjet e Gjermanisë në luftën kundër mafias së kontrabandës dhe emigracionit të paligjshëm”, tha sot Ministria e Brendshme Austriake.
“Ne supozojmë se autoritetet gjermane do t’i përmbahen rendit ligjor evropian në të gjitha masat që do të ndërmerren”, sipas deklaratës. /ATSH-DPA/
