Një operacion i nisur mëngjesin e sotëm nga Inspektorati Policor i Kosovës në koordinim me Prokurorinë Speciale të Kosovës në pikat kufitare në Gjakovë dhe Prizren ka vënë në pranga si të dyshuar për keqpërdorim të detyrës zyrtare dhe korrupsion 48 zyrtarë policorë dhe 2 dy nga shërbimi doganor o Kosovës.
Ekipi i televizionit SYRI ka vizituar të dy pikat kufitare në Gjakovë.
Ndër të tjera kryeshefi ekzekutiv i inspektoriatit Policor të Kosovës, Kushtrim Hodaj ka bërë të ditur se në mesin e të arrestuarve janë edhe dy komandantët e pikave kufitare të regjionit perendimor, Ramiz Ahmeti dhe Xhavit Lokaj.
Ndërkaq kryeprokurori i shtetit Aleksandër Lumezi përmes një konference për media ka bërë të ditur se 10 persona janë në arrati disa prej tyre jo shtetas të Kosovës.
Kryeprokurori Lumezi e vlersoi si të sukseshëm operacionin e sotëm i cili ishte rezultat i punës një vjeçare tutje theksoi se ka qenë dy prokurorë të angazhuar për hetime.
Ndërkaq kujtojmë që operacioni i koduar me emrin ‘’Pika’’ është duke u përkrahur edhe nga Agjencia e Kosovës për Intelegjencë, Dogana e Kosovës dhe Policia e Kosovës.
Njëherit Drejtori i përgjithshëm i Doganës ka ndërmarrë menjëherë vendimin për suspendimin e zyrtarëve doganor të arrestuar dhe do të filloj procedimin administrativ disiplinor.
