Ambasadori Zviceran në Kosovë, Thomas Kolly, ka bërë vizitë në Impiantin e Ujërave të Ndotura në Kompaninë Rajonale të Ujësjellësit, K.R.U “Gjakova”.
Ambasadori Kolly nën shoqërimin e përfaqësuesve nga Banka Gjermane për Zhvillim (KFW), vizituan Impiantin e Trajtimit të Ujërave të Ndotura.
Ata u mirëpritën nga Kryeshefi Ekzekutiv i K.R.U ”Gjakova” Ismet Ahmeti si dhe stafi menaxherial i kompanisë, ku u njoftuan nga këta të fundit rreth projektit të ITUN si dhe ecurisë së punimeve.
Impianti i Trajtimit të Ujërave të Ndotura në Gjakovë, është bashkëfinancim nga Qeveria Zvicerane, Qeveria Gjermane si dhe Kuvendi Komunal në Gjakovë, njoftoj kështu Kompania Rajonale e Ujësjellësit K.R.U “Gjakova”.
Gjithashtu bëhet e ditur se vlera totale e këtij projekti është 16.8 milion euro.
