Nesër do të nis kthimi për në Maqedoni të Veriut i të mbijetuarve në tragjedinë e rëndë në Bullgari. Fillimisht do të kthehen dy të mbijetuarit e parë.
Ministri i Punëve të Jashtme, Bujar Osmani deklaroi se nga spitali në Sofje është informuar që deri më 1 dhjetor do të duhet të lëshohen për në vendlindje të 7 pacientët të cilët i mbijetuan tragjedisë.
Osmani po ashtu tha se pritet që nga mesi i javës së ardhshme të përfundojë edhe procesi i identifikimit të kufomave dhe të organizohet transporti i tyre për në Maqedoninë e Veriut.
Osmani shtoi se Ministria e Jashtme do të organizojë transportin e veçantë të kufomave, ndërsa potencoi se do ketë takim me familjarët e tyre për të parë cilat janë pritjet dhe kërkesat.
