Më 5 tetor, të vitit 2013, lojtari me prejardhje nga Kosova, Adnan Januzaj, la gjurmë në një nga ekipet më të mëdha në histori, Manchester United
Ajo ishte hera e parë që ai ishte titullar në një ndeshje me djajtë e kuq.
Januzaj, i cili ishte 18 vjeç në atë kohë shënoi dy gola në një rikthim dramatik kundër Sunderland.
Kjo formë e mirë e Januzaj doli të jetë e shenjë e keqe për Kombëtaren e Shqipërisë.
Ai refuzoi t’i bashkohej Shqipërisë, dhe priste një ftesë nga Kombëtarja e Belgjikës.
Belgjika e ftoi por ai numëron vetëm shtatë paraqitje në ndeshjet e karakterit garues.
Në vitin 2016 përfaqësuesja e Kosovës u pranua në UEFA dhe FIFA.
Në atë kohë, Januzaj përsëri kishte të drejtë të luante për Kosovën, por nuk e zgjodhi atë.
Tani, së fundmi, Adnan Januzaj është pa klub, pasi nuk gjetën gjuhën e përbashkët për të vazhduar kontratën me skuadrën spanjolle, Real Sociedad.
/Albanianpost.com
