Presidenti i Barcelonës, Joan Laporta ka komentuar përsëri gjasat për rikthimin e Lionel Messi te katalunasit.
Ylli argjentinas, Leo Messi vazhdon të lidhet me një rikthim të mundshëm në ‘Camp Nou’.
Lidhur me këto spekulime është pyetur edhe presidenti i Barcelonës, Joan Laporta, i cili tha se nuk dëshiron të komentojë shumë.
“Fëmijët gjithmonë më pyesin nëse Messi do të kthehet këtu. Përgjigja ime është: do të shohim”, ka thënë Laporta, përcjell lajmi.net.
“Messi është lojtar i PSG tani – dhe unë nuk dua të futem në telashe”, shtoi ai.
Mbetet të shihet nëse Messi do të marrë një vendim për të ardhmen e tij, pas Kupës së Botës. /Lajmi.net/
