ATK mbledh mbi 595 milionë euro, të hyrat tatimore shënojnë rritje 14%
Çmimet e naftës në tregjet ndërkombëtare kanë shënuar rritje prej rreth 5 për qind, pas përshkallëzimit të tensioneve mes Shteteve të Bashkuara dhe Iranit, duke rikthyer shqetësimet për furnizimin global me energji.
Rritja erdhi pasi u raportua për sulme iraniane ndaj një anijeje tregtare në Ngushticën e Hormuzit, ndërsa SHBA-ja ndërmori sulme të reja ndaj objektivave në Iran. Situata ka shtuar pasigurinë në një nga korridoret më strategjike të transportit të naftës në botë, përmes së cilës kalon rreth një e pesta e furnizimit global me naftë dhe gaz.
Nafta e papërpunuar Brent u ngjit mbi 79 dollarë për fuçi gjatë tregtimit të hershëm të së hënës, duke reflektuar reagimin e menjëhershëm të tregjeve ndaj zhvillimeve të fundit në Lindjen e Mesme.
Megjithatë, analistët theksojnë se niveli aktual i çmimeve mbetet dukshëm më i ulët se kulmi prej afro 120 dollarësh për fuçi, i regjistruar në fazat e para të konfliktit. Para shpërthimit të përplasjes ushtarake, nafta tregtohej rreth 70 dollarë për fuçi. /RTKlive
