SHBA thotë se ka goditur 90 objektiva në një ditë të dytë sulmesh ndaj Iranit, pasi Donald Trump më herët paralajmëroi se do t’i “godiste fort”.
Disa vende të Gjirit kanë raportuar më pas sulme të dukshme iraniane – kjo përfshinte shpërthime në kryeqytetin e Bahreinit, Manama, Kuvajti duke interceptuar raketa dhe dronë, si dhe Katari duke lëshuar një alarm sigurie.
Mohammad Bagher Ghalibaf, negociatori kryesor i Iranit me SHBA-në, tha se Amerika “ende nuk e ka mësuar se intimidimi dhe shkelja e premtimeve nuk janë më pa kosto”.
Mediat iraniane raportuan se janë dëgjuar shpërthime në zona përgjatë bregdetit jugor të vendit dhe se sulmet kanë goditur ishuj të kontrolluar nga Irani në Gjirin Persik.
Kjo vjen pas sulmeve amerikane të së martës, për të cilat Komanda Qendrore e SHBA-së tha se ishin përgjigje ndaj sulmeve mbi tre anije tregtare që po kalonin ngushticën.
Irani tha se u përgjigj me sulme hakmarrëse ndaj bazave ushtarake amerikane në Bahrein dhe Kuvajt në orët e para të së mërkurës.
Raundi i fundit i sulmeve vjen pasi SHBA-ja tha se kishte goditur “mbi 80 objektiva” në sulmet e së martës ndaj Iranit, si përgjigje ndaj sulmeve mbi anijet tregtare në Ngushticën e Hormuzit.
Gjatë një paraqitjeje në samitin e NATO-s në Ankara, Trump u pyet për gjendjen e armëpushimit dhe tha: “Për mua, mendoj se ka marrë fund.” Ai i përshkroi iranianët si “”njerëz të sëmurë”./reporteri
