Lavrov i kërkon Rubios ndalimin e dërgesave të armëve për Ukrainën
West Hami ka njoftuar se do të kontaktojë organizatën e gjyqtarëve të Premier Leagues për golin e anuluar në ndeshjen ndaj Arsenalit.
Goli i Callum Wilson në kohën shtesë, që do të ishte i barazimit 1:1, u anulua pas rishikimit të VAR-it, për faul të Pablos ndaj portierit të Arsenalit, David Raya.
West Hami do të paraqesë shqetësimet dhe do të kërkojë shpjegime të mëtejshme nga shoqata e gjyqtarëve për vendimin diskutabil.
West Hami do të kërkojë edhe audion e bisedës mes arbitrit në fushë, Chris Kavanagh dhe atij në VAR, Darren England.
Ish-sulmuesi i Anglisë, Wayne Rooney, beson se VAR-i bëri punë të mirë që anuloi golin.
“Ishte faull i pastër”, tha Ronney. “Mendoj që është i vetmi rast që VAR-i bëri punë vërtetë të mirë në një ndeshje kaq të rëndësishme”.
Pika do të ishte shumë e vlefshme për West Hamin në garën për ekzistencë. Ndërkohë fitorja 1:0 e afron Arsenalin me titull të kampionit në Angli. /Koha.net/
