Lufta në Lindjen e Mesme, fatura e BE-së për karburantet rritet për 22 miliardë euro më shumë

Presidentja e Komisionit Evropian, Ursula von der Leyen, ka folur për ndikimin financiar të luftës SHBA-Izrael në Iran.

Ajo tha se fatura e BE-së për importet e karburanteve fosile është rritur me më shumë se 22 miliardë euro (19.1 miliardë paund) që nga fillimi i luftës 44 ditë më parë, pa marrë “asnjë molekulë” më shumë furnizim.

“Ne po paguajmë një çmim shumë të lartë për varësinë tonë të tepërt nga karburantet fosile,” tha ajo.

Von der Leyen shtoi se liria e lundrimit në Ngushticën e Hormuzit është me “rëndësi thelbësore” dhe se nevojitet “koordinim i fortë” mes shteteve të BE-së. /Koha.net/