Aksidentohet një kamion me një veturë në Gjakovë, lëndohet një person
Deputeti i Lëvizjes Vetëvendosje, Armend Muja, ka deklaruar se rritja e pagës minimale i synon rreth 120 mijë përfitues, apo 32 përqind të punëtorëve të regjistruar në ATK.
Duke kërkuar miratimin e projektligjit që i hap rrugë rritjes së pagës minimale, Muja tha se paga minimale për 1 dekadë në sektorin privat është rritur vetëm 34 euro.
Muja: Rritja e pagës minimale i synon rreth 120 mijë përfitues
“Pagat në sektorin privat për 1 dekadë janë rritë mesatarisht vetëm 34 euro. Rritja e pagës mesatare nuk përkon as me rritjen e produktivitetit dhe shkallës së inflacionit në dekadën e fundit. Rritja e pagës minimale i synon rreth 120 mijë përfitues të drejtpërdrejtë, apo rreth 32 përqind të punëtorëve të regjistruar në ATK. Këto grupe shoqërore që përfitojnë më shumë gjenden në sektorin e tregtisë me shumicë dhe pakicë 32 mijë përfitues, në industrinë përpunuese 18 mijë përfitues, në gastronomi 13 mijë përfitues, në ndërtimtari 10 mijë përfitues dhe në aktivitete të sigurimit fizik 12 mijë përfitues. Shumica janë të moshës së re 16-24 vjeç dhe në kuadër të kësaj moshe kryesisht femra”, tha ai.
