Aksidentohet një kamion me një veturë në Gjakovë, lëndohet një person
Qeveria britanike tha se rastet e infektimit me një lloj të ri të koronavirusit afrikano-jugor ishin zbuluar te njerëzit që nuk ishin në asnjë mënyrë të lidhur me udhëtimet jashtë vendit, as me njerëzit që mbërritën në Britani nga jashtë.
Një total prej 105 personash janë diagnostikuar me llojin korona të Afrikës së Jugut që nga 22 dhjetori, në pjesë të ndryshme të Britanisë së Madhe, raporton Reuters.
Qeveria në Londër deklaroi sot se të gjithë të prekurit nga ky lloj i ri i virusit janë në vetë-izolim, si dhe se një veprim kompleks është nisur për të gjetur të gjithë ata që ishin në kontakt me të infektuarit dhe për t’i dërguar në vetë-izolim.
Këta janë njerëz që jetojnë në afërsi të Londrës, në lindje dhe veriperëndim të Anglisë, dhe në të gjitha ato vende, qeveria u dërgoi një ftesë qytetarëve për test të detyrueshëm, pavarësisht nëse ata kanë simptoma apo jo.
Epidemiologët pretendojnë se lloji i koronavirusit së Afrikës së Jugut transmetohet më lehtë, por nuk ka asnjë provë që shkakton një pamje klinike më të rëndë te të infektuarit.
Studimet klinike kanë treguar se vaksinat Novavax dhe Johnson and Johnson janë më pak të suksesshme në mbrojtjen nga lloji i koronës së Afrikës Jugore.
