“La Gazzetta dello Sport” bën të ditur se Paulo Fonseca është në pritje të një ofertë zyrtare nga Milani, kështu që ditët e ardhshme do të jenë vendimtare për kuqezinjtë dhe trajnerin portugez.
Fonseca është bërë kandidati kryesor i Milanit për postin e trajnerit në sezonin 2024-2025, por ish-trajneri i Romës aktualisht është i zënë me Lille, duke qenë se një fitore në ndeshjen e fundit të sezonit do t’i lejonte skuadrës së Ligue 1 të kualifikohej për sezonin 2024/2025 të Ligës së Kampionëve, raporton KosovaPress.
Kontrata e tij me Lille skadon në qershor. Marseille i ka ofruar tashmë atij një kontratë afatgjatë me fuqi vendimtare, por sipas “Gazzettas”, një klub i tretë i është afruar së fundmi agjentëve të Fonsecas.
Drejtorët e Milanit janë ende duke bërë vlerësimet e tyre përfundimtare dhe kandidatët e tjerë janë ende në garë, megjithëse ata vijnë pas Fonsecas në urdhrin e kuqezinjve. Sergio Conceiçao, Mark van Bommel, Domenico Tedesco dhe Marcelo Gallardo janë opsionet e Milanit, jo Roberto De Zerbi dhe Antonio Conte./KP
