Kampioni i Superligës së Kosovës në futboll, Ballkani, do të kërkoj që të kalojë në fazën finale të kualifikimeve në Ligën e Konferencës.
Për ta bërë këtë, skuadra e trajneri Ilir Daja duhet së paku ta ruaje epërsinë prej një goli nga ndeshja e parë e zhvilluar në stadiumin “Fadil Vokrri” ku triumfuan me rezultat 3-2, rezultat ky që nuk ofron shumë siguri raporton KosovaPress.
Ndeshja do të zhvillohet me fillim nga ora 20:00 në stadiumin “Torsvollur” dhe në rast të kualifikimit tutje, skuadra kosovare në raundin tjetër do të ballafaqohet me Shkupin.
