Zyrtari i DASH: Shtetet e Bashkuara do të armatosin Shqipërinë

Gjatë një interviste për Zërin e Amerikës, një zëdhënës i Departamentit Amerikan të Shtetit ka bërë me dije se Shqipëria dhe disa vende të tjera të Ballkanit do të jenë përfituese të ndihmës ushtarake që SHBA ka akorduar për Ukrainën dhe partnerët.

Sekretarët  Antony Blinken dhe Lloyd Austin njoftuan një ditë më parë, se nga 713 milionë dollarë ndihma ushtarake, rreth 322 milionë janë caktuar për vetë Ukrainën, ndërsa 400 milionë dollarë financime të reja ushtarake të huaja janë caktuar për 15 vende të tjera në Evropën Qendrore dhe Lindore, si dhe Ballkanin.

Zëdhënësi shton se me këtë shumë do të ndihmohen aleatët e NATO-s të përmbushin rezervat e tyre të prekura nga dhurimet për Ukrainën.

Pjesa e mbetur e paketës prej 713 milionë dollarësh, do të ofrojë artikuj mbrojtjeje, trajnime dhe shërbime për rajonin Evropian ku përfshihen Shqipëria, Bullgaria, Kroacia, Estonia, Letonia, Lituania, Moldavia, Mali i Zi, Maqedonia e Veriut, Rumania dhe Sllovenia.

Nga kjo shumë do të do të përfitojë edhe Republika Çeke dhe do të sigurohet mbështetje shtesë për Bosnjën e Hercegovinën nën Fondin Kundër Ndikimit Rus./A2news/