Aksidentohet një kamion me një veturë në Gjakovë, lëndohet një person
Pep Guardiola e ka përkushtuar të ardhmen e tij te Manchester City pasi ra dakord për një zgjatje dy vjeçare të kontratës me kampionin anglez.
51-vjeçarit i kishin mbetur edhe shtatë muaj për të përfunduar kontratën e tij aktuale, duke shkaktuar shqetësimin e tifozëve të Cityt se trajneri spanjoll do të largohej nga stadiumi “Etihad” në fund të sezonit.
Sidoqoftë, katër herë fituesi i Premier Ligës e ka zbutur këtë frikë duke kontratën e re deri në vitin 2025. Guardiola iu bashkua Cityt në vitin 2016, që do të thotë se ai do të ketë qenë në krye për nëntë vjet nëse e sheh këtë fund të kontratës.
Guardiola ka fituar gjithçka që është për të fituar gjatë qëndrimit të tij në krye të klubit, duke përjashtuar trofeun e pakapshëm të Ligës së Kampionëve. Spanjolli e çoi Cityn në finalen e 2021 në Portugali, vetëm për të humbur nga Chelsea dhe thotë se mund të arrijë më shumë në Manchester.
“Unë kam ende ndjenjën se mund të arrijmë më shumë së bashku dhe kjo është arsyeja pse unë dua të qëndroj dhe të vazhdoj të luftoj për trofe”, tha Guardiola.
Guardiola vlerësoi stabilitetin e klubit dhe shprehu optimizëm për të ardhmen e Cityt gjatë dekadës së ardhshme.
“Nuk mund të them mjaftueshëm faleminderit për të gjithë në klub që më besuan mua”, shtoi ai. “Jam i lumtur dhe rehat, dhe kam gjithçka që më nevojitet për ta bërë punën time sa më mirë”, tha Guardiola. /KosovaPress
