Aksidentohet një kamion me një veturë në Gjakovë, lëndohet një person
Tre persona janë ndaluar në Pejë nën dyshimin se të njëjtit duke vepruar si grup kanë vjedhur 20 mijë euro.
Prokuroria Themelore e Pejës ka njoftuar se personat e ndaluar janë H.A, E.H dhe M.A të cilët duke vepruar si anëtar të grupit kanë kryer veprën penale “Vjedhje e Rëndë”.
“Tre të dyshuarit duke vepruar si anëtar të grupit kanë arritur t’i vjedhin nga i dëmtuari shumën e parave në vlerë prej njëzetmijë (20.000) mijë eurove, ku pas koordinimit të Prokurorit të Shtetit me Policinë e Kosovës, tre (3) të dyshuarit (H.A., E.H., dhe M.A.,) janë arrestuar mbrëmë rreth orës 18:00”, thuhet në njoftim.
Sipas njoftimit nga Prokuroria bëhet e ditur se pas kontrollit të shtëpive të pandehurve, në shtëpinë e njërit prej të dyshuarve janë gjetur parat e vjedhura, në shumë prej njëzetmijë (20.000) euro.Reklama
“Me urdhër të Prokurorit të Shtetit, të dyshuarit janë ndaluar 48 orë, ndërsa brenda afatit ligjor, Prokuroria Themelore në Pejë do paraqet kërkesën për caktimin e masës se paraburgimit ndaj tre të pandehurve në gjykatën kompetente”, thuhet në njoftim.
