I deleguari i Bashkimit Evropian për dialogun, Peter Sorensen, ka takuar ministrin e Punëve të Jashtme të Spanjës, Jose Manuel Albares, duke cilësuar diskutimin për çështjen e dialogut si të dobishëm.
“Mirënjohës për interesimin e qëndrueshëm të Spanjës dhe mbështetjen e fortë për avancimin e procesit të normalizimit”, ka shkruar ai në platformën sociale X.
Javë më parë, Sorensen takoi edhe ministren e Punëve të Jashtme të Finlandës, Elina Valtonen.
Gjatë takimit, Sorensen e Valtonen kanë diskutuar në detaje mbi procesin e dialogut.
“Jam mirënjohës për interesimin dhe mbështetjen e ofruar për procesin e normalizimit”, ka shkruar ai në platformën sociale, X.
Ndryshe në shtator raundi i ri i dialogut për normalizimin e raporteve në mes të Kosovës dhe Serbisë në Bruksel përfundoi, pa ndonjë përparim të dukshëm.
Kosova insistoi në zbatimin e plotë të Marrëveshjes së Brukselit/Ohrit, ndërsa Serbia ka kërkuar që së pari të zbatohet pjesa që lidhet me Asociacionin e Komunave me Shumicë Serbe. /Albanianpost.com
Insightful discussion in Madrid 🇪🇸 with Minister @jmalbares on the 🇪🇺-facilitated Dialogue. Grateful for Spain’s sustained interest and strong support for advancing the normalisation process. pic.twitter.com/hcUvgwbdCg— EUSR for Belgrade-Pristina Dialogue (@EUSR_Dialogue) November 26, 2025
