Aksidentohet një kamion me një veturë në Gjakovë, lëndohet një person
Superliga e Kosovës në basketboll, vjen sonte me gjysmëfinalen e dytë të ‘play-off-it’ ndërmjet Golden Eagle Ylli dhe Pejës.
Garat e ‘play-off-it’ po bëhen gjithnjë më interesante dhe vendimtare, ku katër skuadra po bëjnë ‘luftë’ të zjarrtë në garën për titullin e kampionit.
Dueli i sotëm mes Ylli dhe Pejës pritet të sjellë një ndeshje dramatike. Therandasit fituan ndeshjen e parë si mysafirë 84:87, në një takim me kthesa dhe tani Ylli avancon në serinë gjysmëfinale 1:0. Vendasit synojnë të ngritin epërsinë në 2:0 dhe të afrohen më shumë drejt finales, kurse kampionët të barazojnë serinë në 1:1 dhe të rikthejnë epërsinë e terrenit vendas.
Ndërkaq, gjysmëfinalja tjetër luhet të enjten mes Sigal Prishtinës dhe Trepçës. Duelin e parë e fituan mitrovicasit 87:81 dhe synojnë fitoren e dytë radhazi në gjysmëfinale, kurse prishtinasit synojnë të barazojnë serinë në 1:1.
Skuadrat që shënojnë tri fitore do të kualifikohen në finale, derisa për tu shpallur kampionë nevojiten po ashtu tri fitore. /RTK/
Gjysmëfinalet 2
Sot takohen:
19:00 Golden Eagle Ylli – Peja
Të enjten takohen:
19:00 Sigal Prishtina – Trepça
