Zëvendëspresidentja dhe udhëheqësja e përkohshme e Venezuelës, Delcy Rodríguez, ka deklaruar se vendi vazhdon ta ruajë pronësinë dhe kontrollin mbi burimet e tij të naftës, pavarësisht marrëveshjes së re me Shtetet e Bashkuara.
“Një gjë duhet të jetë absolutisht e qartë: Venezuela ruan pronësinë dhe sovranitetin mbi burimet e saj”, deklaroi Rodríguez gjatë një fjalimi të transmetuar në televizionin shtetëror.
Deklarata e saj vjen gati nëntë muaj pas rrëzimit të Nicolás Maduros nga pushteti, si pasojë e ndërhyrjes ushtarake amerikane.
Presidenti Donald Trump njoftoi të premten se SHBA-ja do të sigurojë kontroll mbi 65 miliardë fuçi nga rezervat venezueliane, duke e cilësuar marrëveshjen si më të madhen e këtij lloji në histori.
Marrëveshja është arritur në një kohë kur Shtëpia e Bardhë po përpiqet t’i ulë çmimet e karburanteve, gjashtë muaj pas nisjes së luftës me Iranin.
