Plani gjashtë pikësh i Biden për Evropën: Nga vendosja e ushtarëve amerikanë në terren deri tek armatimi i rëndë

Se samiti i NATO-s që po mbahet aktualisht në Madrid mund të ndryshojë ndjeshëm situatën ushtarake në Evropë, thotë plani gjashtë pikësh i presidentit të Shteteve të Bashkuara, Joe Biden, i cili do të dërgojë në një dislokim të ri të forcave ushtarake amerikane në Evropë.

Siç pohoi vetë Biden, Shtetet e Bashkuara dëshirojnë të krijojnë një seli të përhershme për Korpusin e Pestë të Ushtrisë Amerikane në Poloni, e cila do të përcaktonte praninë e saj në këtë vend në kufi me Ukrainën, të cilin e pushtoi Rusia.

Më pas, një nga qëllimet është dërgimi i një brigade shtesë në Rumani, e cila kufizohet gjithashtu me Ukrainën, raporton skynews.

Ai gjithashtu dëshiron të vendosë dy skuadrilje shtesë F-35 në Britaninë e Madhe, si dhe të vendosë dy shkatërrues të rinj në Spanjë.

Është gjithashtu e nevojshme të përmirësohet dislokimi rrotullues në Balltik dhe të krijohen sisteme të reja të mbrojtjes ajrore për Gjermaninë dhe Italinë.

BREAKING: @Potus announces new US military deployments to Europe:
1. Create permanent HQ for US 5th Army Corps in Poland
2. Deploy additional rotational brigade to Romania
3. Deploy 2 additional F-35 squadrons to the UK
4. "Enhance" rotational deployments in Baltics

— Nick Schifrin (@nickschifrin) June 29, 2022

Kujtojmë se sot ka filluar samiti i NATO-s dhe është planifikuar që të mbahen dy sesione pune në nivel të shefave të shteteve apo qeverive dhe të enjten, në ditën e fundit të samitit, një seancë pune në nivelin më të lartë.

Një forcë e madhe policie është vendosur në Madrid si pjesë e operacionit më të madh të sigurisë në historinë e fundit të Spanjës para fillimit të samitit, i cili pritet të ketë rreth 5000 pjesëmarrës.

Policia me kalë dhe në këmbë patrullojnë qytetin dhe hapësira ajrore mbrohet nga dhjetëra helikopterë.

Sipas Ministrisë së Mbrojtjes spanjolle, aeroplanët luftarakë dhe mbrojtja ajrore janë në gjendje të lartë gatishmërie.

Rrjetet e informacionit janë nën mbikëqyrje të shtuar për shkak të rrezikut të sulmeve kibernetike.

Përveç liderëve të 30 vendeve anëtare të NATO-s, në samit u ftuan edhe liderë të një duzinë vendesh të tjera, duke përfshirë Australinë, Zelandën e Re, Japoninë, Korenë e Jugut dhe Gjeorgjinë.

Në axhendën e samitit është çështja se si sulmi rus ndaj Ukrainës dhe realiteti i ri i sigurisë në Evropë ndikojnë në qasjen e NATO-s ndaj mbrojtjes dhe parandalimit. 

/Telegrafi/