Plagosen tre persona gjatë seancës gjyqësore për vrasjen e boksierit Besar Nimani

Mediat në Gjermani po raportojnë se tre persona janë plagosur të mërkurën pranë gjykatës së Bielefeldit në Gjermani, ku po zhvillohej seanca gjyqësore lidhur me vrasjen e boksierit kosovar Besar Nimani në vitin 2024.

Ngjarja ndodhi pas përfundimit të seancës kur të shtënat u dëgjuan në afërsi të ndërtesës së gjykatës, përcjellë KosovaPress.

Mediat gjermane raportojnë se mes të plagosurve janë dy të afërm të të akuzuarit për vrasjen e boksierit, Huseyin Akkurt dhe se tashmë njëri nga personat e dyshuar për sulmin është arrestuar.

Huseyin Akkurt akuzohet për vrasjen e Besar Nimanit. Ai u arrestua në Bruksel në qershor të vitit 2024 dhe dyshohet se ka bashkëpunuar me Aymand Daëoud Kirit, 33 vjeç, i cili është ende në arrati. Të dyshuarit kishin qëlluar 16 herë në drejtim të boksierit, i cili humbi jetën në vendin e ngjarjes./kp