• 11 August, 2022

Pas dy viteve mungesë rikthehet panairi i librit në Prishtinë

Me moton “Libri mbron mendjen”, vjen edicioni i 22-të i Panairit të librit në Kosovë.

Panairi do të mbahet nga 7-12 qershor, në ambientet e Pallatit të Rinisë, organizuar nga Shoqata e Botuesve e Kosovës.

Në panair marrin pjesë rreth 100 botues nga Kosova, Shqipëria, Maqedonia e Veriut dhe diaspora, me rreth 2 mijë tituj të rinj.

Panairin pritet ta vizitojnë rreth 40.000 vizitorë Ndërsa aty do të jenë të pranishëm shkrimtarë ndërkombëtarë e kombëtarë, profesionistë të librit, botues, përkthyes e librarë.

Ky panair përkon edhe me përvjetorë të rëndësishëm që do të shënohen me aktivitete, përkujtime e debate.

Ceremonia e hapjes së panairit bëhet më 7 qershor, në orën 12:00.

Më 2020 dhe 2021 panairi nuk është mbajtur për shkak të pandemisë COVID-19. Panairi i Librit i Prishtinës, krahas atij të Tiranës është panairi më i madh i librit shqip.

/Telegrafi/

Read Previous

BE ndalon shumicën e importeve ruse të naftës

Read Next

Inflacioni në Gjermani arrin në rreth 8 për qind, më i larti që nga vitet 1970-ta