Pas 200 ditësh qëndrimi në hapësirë, astronautët e SpaceX kthehen në tokë

Katër astronautë u kthyen në Tokë të hënën, për t’i dhënë fund një misioni 200-ditor të stacionit hapësinor që filloi pranverën e kaluar.

Sipas mediave të huaja, përcjell Telegrafi, kapsula e tyre kaloi nëpër qiellin e natës vonë si një meteor përpara se të hidhej me parashutë në Gjirin e Meksikës në brigjet e Pensacola, Florida.

“Në emër të SpaceX, mirë se vini në shtëpi në Planetin Tokë”, transmetoi me radio SpaceX Mission Control nga Kalifornia Jugore.

Brenda një ore, të katër astronautët dolën jashtë kapsulës, duke shkëmbyer përshëndetje me grusht me ekipin në anijen e rikuperimit.

Kthimi i tyre në shtëpi – që vjen vetëm tetë orë pasi u larguan nga Stacioni Ndërkombëtar Hapësinor – hapi rrugën për nisjen e katër zëvendësuesve të tyre nga SpaceX që në mbrëmjen e së mërkurës.

Astronautët e NASA-s, Shane Kimbrough dhe Megan McArthur, Akihiko Hoshide i Japonisë dhe Thomas Pesquet i Francës duhet të ishin kthyer të hënën në mëngjes, por era e fortë në zonën e rikuperimit vonoi kthimin e tyre.

/Telegrafi/