GTA 6 pritet të sjellë fitime rekord, parashikohen miliona porosi paraprake
Ylli brazilian dhe lojtar i Santosit, Neymar, ka treguar se po e konsideron mundësinë e pensionimit pas përfundimit të kontratës së tij me klubin brazilian në fund të vitit.
Neymar është duke u përpjekur fort për të siguruar një vend në skuadrën e Carlo Ancelottit për Kupën e Botës 2026, e cila mund të jetë gara e tij e fundit e madhe, pasi ai ka njoftuar planet për t’u pensionuar nga futbolli aktiv së shpejti.
“Nuk e di çfarë më pret e ardhmja. Nuk e di çfarë do të sjellë viti i ardhshëm. Është e mundur që në dhjetor të dua të dal në pension”, ka thënë fillimisht Neymar.
“Po e marr ditë pas dite tani. Ky vit është shumë i rëndësishëm, jo vetëm për Santosin, por edhe për ekipin kombëtar brazilian, sepse është viti i Kupës së Botës. Edhe për mua, është një sfidë e madhe. Po e marr ditë pas dite”, përfundoi 34-vjeçari.
Ndryshe, Neymar ka luajtur 128 ndeshje me kombëtaren e Brazilit, duke shënuar edhe 79 gola, teksa ka bërë karrierë të madhe në Evropë me klube si Barcelona dhe Paris Saint-Germain para transferimit te Al Hilal në Arabinë Saudite.
