Si prodhohet djathi, një ndër specialitetet e Qumështores Gexha
Elon Musk ka njoftuar bashkimin e dy kompanive të tij private më të mëdha, SpaceX dhe xAI, në një strukturë të vetme me një vlerë të kombinuar prej rreth 1.25 trilionë dollarësh.
Sipas Bloomberg, SpaceX vlerësohet në 1 trilion dollarë, ndërsa xAI në 250 miliardë dollarë, me transaksionin që është realizuar përmes shkëmbimit të aksioneve.
Në një deklaratë në faqen zyrtare të SpaceX, kompania thekson se qëllimi i marrëveshjes është krijimi i një “motori inovativ vertikalisht të integruar”, i cili do të lidhë zhvillimin e inteligjencës artificiale me teknologjinë raketore, internetin satelitor, komunikimin direkt me pajisjet mobile dhe platformat e informacionit.
xAI, kompania që zhvillon chatbot-in Grok, raportohet se shpenzon rreth 1 miliard dollarë në muaj për zhvillimin e AI.
Bashkimi me SpaceX i mundëson asaj akses në kapital, fuqi llogaritëse dhe infrastrukturë, përfshirë rrjetin Starlink, i cili tashmë numëron mbi 9 mijë satelitë aktivë dhe gjeneron të ardhura të konsiderueshme.
Musk ka deklaruar se në një perspektivë 2-3-vjeçare, llogaritja më e lirë për inteligjencën artificiale mund të realizohet në hapësirë. Për këtë arsye, SpaceX ka aplikuar për lëshimin e deri në 1 milion satelitëve.
Ndërkohë, kompania konfirmoi edhe një incident teknik me raketën Falcon 9 gjatë një misioni Starlink, duke theksuar se po kryhet analizë e plotë para rifillimit të fluturimeve. /Albanianpost.com
