GTA 6 pritet të sjellë fitime rekord, parashikohen miliona porosi paraprake
10 persona u vranë nga të shtënat maasive me armë gjatë festimit të Hanukkah, festës hebraike të dritës, në plazhin Bondi në Sydney, tha policia lokale.
Synimi i sulmit besohet të ketë qenë një ngjarje e Hanukkah, të cilën burimet e policisë besojnë se ishte planifikuar prej muajsh, raporton portali NewsWire i Australisë. Një sulmues u qëllua dhe u vra, ndërsa tjetri u plagos ndërsa ishte në paraburgim.
Kryeministri australian Anthony Albanese tha në një deklaratë me shkrim se skenat në Bondi ishin “tronditëse dhe shqetësuese”. “Policia dhe shërbimet e emergjencës janë në terren duke punuar për të shpëtuar jetë. Mendimet e mia janë me të gjithë ata që u prekën”, tha Albanese.
Videot që qarkullojnë në “X” tregojnë njerëz në Bondi Beach duke ikur me vrap ndërsa dëgjohen të shtëna të shumta me armë zjarri dhe sirena policie. “Reuters” nuk mundi të konfirmonte menjëherë vërtetësinë e regjistrimeve.
Një zëdhënës i shërbimeve shtetërore të emergjencës në Uellsin e Ri Jugor të Australisë tha se shërbimi mori një telefonatë në orën 6:45 të mbrëmjes sipas kohës lokale për raportime për disa persona të qëlluar në plazhin Bondi.
