Aksidentohet një kamion me një veturë në Gjakovë, lëndohet një person
Manchester United raportohet se e ka kontaktuar yllin e Juventusit, Cristiano Ronaldon mbi një mundësi rikthimi në “Old Trafford” për reprezentuesin portugez.
Thashethemet lidhur me largimin e sulmuesit nga “Zonja e Vjetër” po rriten, teksa Juventusi rrezikon Champions Leaguen.
Spekulimet u shtuan kur Ronaldo i largoi veturat e tij nga Torino dhe AS raporton se ai mund të rikthehet te “Djajtë e Kuq”.
Raporti thekson se gjigantët e Premierligës po provojnë të rikthejnë Ronaldon pas 12 viteve nga largimi.
Trajneri i Manchester ,United Ole Gunnar Solskjaer, sipas gazetës, ka biseduar tashmë me superyllin portugez përmes telefonit dhe 36-vjeçari thuhet se do të ishte i lumtur të kthehej në Manchester.
Por gazeta me bazë në Madrid thekson se asnjë vendim nuk është marrë, pasi fundi i sezonit të Juventusit mund të luajë një rol të rëndësishëm në zgjedhjen e Ronaldos.
Këtë fundjavë, Bianconerët luajnë për një vend në Ligën e Kampionëve dhe Ronaldo ka një kontratë me Juventusin deri në qershor 2022 me vlerë 30 milionë euro në sezon.
Zonja e Vjetër thuhet se ka vendosur një çmim prej 25 milionë euro për ish-yllin e Los Blancos dhe Manchester United mund të jetë zgjidhja. /Gazeta Express/
