Lista e gjatë me largime nga Chelsea, 12 lojtarë do t’u thonë lamtumirë Bluve

Chelsea pritet të largojë deri në një dymbëdhjetë lojtarë gjatë afatit kalimtar të verës.

Sipas asaj që raporton The Athletic, Ben Chilwell mund të jetë i pari në listën e një largimi masiv nga Stamford Bridge në fund të sezonit.

Bazuar në këtë raportim, as Chilwell “nuk mund të përjashtohet” pasi Manchester City ka treguar interes “të madh” përpara afatit kalimtar të verës.

Trajneri i Cityt, Pep Guardiola, ka nevojë për një mbrojtës të majtë pasi Joao Cancelo iu bashkua Bayern Munichut në formë huazimi me një opsion blerjeje në janar.

Spanjolli gjithashtu mbajti një shikim nga afër për reprezentuesin anglez në vitin 2020 përpara se të bashkohej me Chelsea për 55 milionë euro nga Leicester.

Por, Blutë mund të duhet të largojnë një numër lojtarësh të tjerë dhe mund të mbledhin deri në 300 milionë euro.

Londinezët perëndimor kanë shpenzuar mbi 700 milionë euro që kur pronari i ri Todd Boehly mori klubin nga Roman Abramovich tetë muaj më parë dhe po kërkojnë të bëjnë edhe më shumë ndryshime në skuadër.

Mirëpo, do të duhet të bëhet vend me skuadrën e Graham Potter që tashmë ka vulosur nënshkrimin e Christopher Nkunku të RB Leipzig për sezonin e ardhshëm.

Mason Mount mund të ndjekë Chilwellin, pasi ai ende nuk ka rënë dakord për një marrëveshje të re, ndërsa kontrata e tij aktuale skadon vitin e ardhshëm.

Manchester United, Liverpool dhe City janë të gjithë të interesuar për lojtarin anglez.

E njëjta gjë vlen edhe për Mateo Kovacic, ndërsa Christian Pulisic, Ruben Loftus-Cheek dhe Pierre-Emerick Aubameyang janë në listën e largimeve të sigurta.

Cesar Azpilicueta ka mbushur 33 vite dhe ishte shumë afër të kalonte te Barcelonë gjatë verës.

Conor Gallagher thuajse u largua në janar dhe e njëjta gjë vlen edhe për Hakim Ziyech, i cili humbi një transferim huazues në Paris Saint-Germain pas një gafe me dokumente.

Armando Broja kishte luftuar për mundësi para lëndimit, por që në verë me shumë gjasë do të largohet.

Kai Havertz ka luftuar për formë të mirë në këtë sezon, ndërsa ka shënuar vetëm gjashtë gola në 25 paraqitje në Ligën Premier këtë sezon dhe tifozët po bëhen gjithnjë e më të frustruar.

Dhe Raheem Sterling ka luftuar për të bërë përshtypje që nga ardhja e tij verën e kaluar, megjithëse agjenti i tij ka thënë se dëshiron të qëndrojë. /Telegrafi/

Read Previous

Sërish greva në disa aeroporte gjermane

Read Next

Moti në Gjakovë – Parashikimi për 7 ditë