Kievi shpallet “Qytet Nderi më i miri në botë”

Kievi është shpallur “Qytet Nderi më i Mirë i Botës 2023” në renditjen e fundit të publikuar nga agjencia Resonance.

Sipas medieve të huaja, Resonance është agjenci konsulente në turizëm, pasuri të paluajtshme dhe zhvillim ekonomik me zyra në SHBA, Kanada dhe Singapor.

“Kryeqyteti historik i Ukrainës është feneri urban i guximit dhe qëndrueshmërisë që udhëheq një komb sfidues kundër një agresori vrasës. Është, si pjesa tjetër e Ukrainës, një vend i guximit të pashtershëm përballë tragjedisë së përditshme”, tha agjencia.

Kryetari i Kievit, Vitali Klitschko e mirëpriti vendimin.

“Ekspertët … vunë në dukje zhvillimin e rëndësishëm të infrastrukturës së qytetit gjatë 10 vjetëve të fundit – krijimin e parqeve dhe shesheve të reja dhe përmirësimin e të vjetrave, rregullimin e parkimit, përditësimin e mjeteve lëvizëse të transportit komunal. Kyiv sot është zemra e Evropës. E cila vazhdon të luftojë – për jetën, për zhvillim, për bukurinë e qytetit dhe komoditetin e banorëve të tij”, u shpreh ai.

Renditja e titulluar “Top 100 qytetet më të mira në botë në vitin 2023 për të jetuar, punuar, investuar dhe udhëtuar”, gjithashtu pa Londrën të zërë vendin e parë, me Parisin, Nju Jorkun, Tokio dhe Dubain që përmbyllnin pesëshen e parë. /Telegrafi/

Read Previous

Stoltenberg: E rrezikshme të nënvlerësohet Rusia

Read Next

Vazhdon rritja e çmimeve të produkteve bazike edhe këtë vit – shtrenjtohet mishi, sheqeri dhe benzina