Aksidentohet një kamion me një veturë në Gjakovë, lëndohet një person
Mesfushori i Arsenalit, Granit Xhaka thotë se Gabriel Jesus do t’u japë atyre një mundësi edhe më të madhe për titull.
Topçinjtë kanë qenë pa sulmuesin e tyre që para Kampionatit Botëror pasi ai pësoi lëndim të ligamentit medial të gjurit ndërsa ishte në lojë për Brazilin në ndeshjen e fundit të grupit kundër Kamerunit dhe kërkoi një operacion që u përfundua me sukses më 6 dhjetor.
Pasi dukej fantastik në stërvitjen e mëngjesit të së mërkurës, kishte sugjerime se 25-vjeçari do të udhëtonte në Portugali me pjesën tjetër të skuadrës, por ai qëndroi në shtëpi.
Mbetet për t’u parë se ku dhe kur Jesusi të riintegrohet, duke marrë parasysh që skuadra e Londrës veriore ka tre ndeshje të mbetura kundër Fulhamit, Sporting Lisbonës dhe Crystal Palace përpara se sezoni të ndalet për pushimin e parë ndërkombëtar të vitit, por në mendjen e Xhakës, një rikthim nuk mund të bëhet shpejt.
“Sigurisht, për shkak se ne humbëm edhe Edin, është shumë më e rëndësishme të rikthehet Gabi (Jesus)”, u tha Xhaka gazetarëve.
“Edhe Leo është i lënduar dhe ai mund të luajë në këtë pozicion. Hap pas hapi, shpresoj që Gabi të jetë 100 për qind i aftë për të ndihmuar këtë skuadër sepse ne e dimë se ai mund të na ndihmojë”.
“Me qëndrimin e tij, me personalitetin e tij, ai është shumë, shumë e rëndësishme për ne”, ka shtuar më tej ai.
/Telegrafi/
