Gjermania është partneri më i madh tregtar i shumicës së vendeve në Evropë

Gjermania është partneri më i madh tregtar i Maqedonisë së Veriut, por edhe i shumicës së vendeve në Evropë, sipas analizës së portalit “Landgeist”, bazuar në të dhënat e FMN-së. Gjermania është ekonomia më e madhe në Evropë dhe partneri më i rëndësishëm tregtar i më shumë se gjysmës së vendeve evropiane. Ekonomia e dytë evropiane Britania e Madhe, nga ana tjetër, nuk është partneri më i madh tregtar i asnjë vendi në Evropë.

Franca, ekonomia e tretë më e fuqishme në kontinentin e vjetër, është partneri më i rëndësishëm tregtar i Spanjës dhe Gjermanisë, dhe fuqia e katërt ekonomike evropiane, Italia, është në Shqipëri, Kroaci, Maltë dhe Vatikani. Megjithëse Shtetet e Bashkuara dhe Kina kanë marrëdhënie të forta ekonomike me Evropën, ato janë partnerët më të rëndësishëm tregtarë të vetëm një numri shumë të vogël vendesh evropiane. SHBA është partneri më i madh tregtar i Britanisë së Madhe dhe Irlandës, kurse Kina është vetëm e Rusisë. Për Turqinë dhe Bjellorusinë, nga ana tjetër, partneri më i rëndësishëm në tregti është Rusia, ndërsa për Ukrainën është Polonia.

Nëse Bashkimi Evropian do të shihej si një bllok i vetëm tregtar, ai do të ishte partneri më i madh tregtar i të gjitha vendeve në Evropë, me përjashtim të Bjellorusisë, e cila tregton kryesisht me Rusinë.

Partneri më i madh tregtar përcaktohet nga vlera totale e importeve dhe eksporteve të kombinuara. /alsat.mk

Read Previous

Guardiola: Interi më ka impresionuar, do jetë e vështirë për t’i mposhtur

Read Next

Raporti i Freedom House për vendet në Tranzicion: Kosova me përmirësim të lehtë, por problemet thelbësore vazhdojnë