Arrestohen dy të dyshuarit për grabitjen e armatosur në Gjakovë
Fondi Monetar Ndërkombëtar njoftoi se ka shënuar përparim në bisedimet me Kievin për një financim prej rreth 1,6 miliardë dollarësh amerikanë. Ekipi i FMN-së ende nuk ka arritur marrëveshje me autoritetet ukrainase. Para se çështja t’i kalojë Bordit Ekzekutiv për miratim, duhen siguruar edhe garancitë e financimit nga partnerët ndërkombëtarë.
Bisedimet do të vazhdojnë në distancë. Shuma lidhet me dy rishikime të programit katërvjeçar të FMN-së për Ukrainën, me vlerë 8,1 miliardë dollarë amerikanë. Ajo nuk përbën një paketë të re dhe nuk është disbursuar.
Në të njëjtin vlerësim, FMN-ja uli parashikimin për ekonominë e Ukrainës. Fondi pret tkurrje prej 0,5% këtë vit dhe 1% në vitin 2027, duke marrë për bazë vazhdimin e luftës dhe dëmet nga sulmet ndaj infrastrukturës. Sipas FMN-së, vetëm për vitin 2027 mbeten të pambuluara nga 32 deri në 34 miliardë dollarë amerikanë nevoja financimi.