Fakulteti i Arteve i Universitetit “Hasan Prishtina” në Prishtinë do të hapë një ekspozitë më 28 nëntor 2025.
Përmes një njoftimi për media, ky fakultet ka njoftuar se ekspozita organizohet në kuadër të shënimit të “28 Nëntorit” – Ditës së Flamurit.
“Kjo ekspozitë paraqet krijimtarinë e profesorëve të Fakultetit të Arteve nga të gjitha disiplinat, duke sjellë vepra që reflektojnë traditën artistike, zhvillimin bashkëkohor dhe angazhimin e vazhdueshëm në promovimin e artit në vend”- thuhet në njoftim.
Ekspozita do të hapet në ora 19:00 dhe Galerinë e Fakultetit të Arteve. /Kallxo.com
