Aksidentohet një kamion me një veturë në Gjakovë, lëndohet një person
Fluksi i valutave që po hyjnë në vendin tonë përgjatë kësaj periudhe, po rëndon presionin mbi kursin e këmbimit në vend. Euro ka prekur një nivel të ri rekord ditën e sotme, në 101.09 lekë kur vetëm një javë më parë ishte në kuotën e 104 lekëve.
Valuta europiane vazhdoi rënien edhe pas publikimit të kursit zyrtar nga Banka e Shqipërisë, duke sinjalizuar shumë shpejt një rënie për herë të parë në kuotën e 100 lekëve.
Kjo kuotë pritej të arrihej sipas ekspertëve në fillim të gushtit, duke e bërë një stacion të euros. Por me vijën e kuqe të kaluar me shumë gjasa brenda korrikut, rënia mund të jetë edhe më e fortë nga sa pritej.
Sakaq, për herë të parë dollari amerikan ra poshtë nivelit të 90 lekëshit, zyrtarisht në kuotën e 0.26 lekëve. Ndërsa rënia më e fortë e ditës i takoi paundit britanik, në nivelin 116.47 lekë, teksa një javë më parë këmbehej për 122 lekë.
Forcimi i lekut nënkupton më pak të ardhura për familjet me remitanca, një ulje drastike të fitimit për eksportuesit, çmime më të shtrenjta për turistët e huaj, ndërsa tregtarët po i bën të kthejnë sytë drejt importit.
/a2news/
