Chelsea dhe Aston Villa përfundojnë në ‘shënjestër’ të UEFA-s

Chelsea dhe Aston Villa mbeten nën shqyrtimin e UEFA-s jo vetëm për mosrespektimin e rregullave ekonomike dhe financiare të Fair Play Financiar, por edhe për operacionet e blerjes dhe shitjes së lojtarëve midis dy klubeve.

Siç është raportuar nga gazeta britanike “The Time”, UEFA i ka paralajmëruar tashmë dy klubet e Premier League se çdo operacion do të monitorohet dhe analizohet me rigorozitet ekstrem për të shmangur finalizimin e tyre, përmes çmimeve të fryra, me qëllimin e vetëm për të korrigjuar bilancet e tyre përkatëse përmes asaj që mund të shndërrohet në fitime fiktive kapitale.

Në vitet e fundit, disa klube të Premier League kanë përfunduar marrëveshje transferimi që nga njëra anë paguan çmime të larta dhe nga ana tjetër fituan fitime të konsiderueshme.

Disa klube e kanë ekspozuar problemin, duke pretenduar se këto marrëveshje janë kryer me qëllim të rritjes artificiale të të ardhurave nga transferimet në mënyrë që të përmbushen rregullat e qëndrueshmërisë financiare.

Më herët këtë muaj, doli në dritë se UEFA kishte ndërhyrë për të ulur vlerën e të paktën njërës prej marrëveshjeve që përfshinin Chelsea-n dhe Aston Villa-n.

Për më tepër, vlen të përmendet se Chelsea u gjobit me 31 milionë euro për shkelje të rregullave financiare të UEFA-s. Kjo shifër mund të rritet në 91 milionë euro nëse klubi nuk i përmbush rregullat brenda katër viteve të ardhshme, me rrezikun e sanksioneve të mëtejshme.

Aston Villa, nga ana e saj, u gjobit gjithashtu me 11 milionë euro, një shifër që mund të rritet në 26 milionë euro.

UEFA, në deklaratën e saj zyrtare, deklaroi se kishte shqyrtuar “transaksionet që përfshinin shkëmbimin e lojtarëve” dhe se këto “kërkonin rregullime specifike në pasqyrat financiare të klubeve”.

Verën e kaluar, Omari Kellyman u transferua nga Aston Villa te Chelsea për 19 milionë paundë (me kursin aktual të këmbimit, gati 22 milionë euro), por ende nuk ka debutuar për blutë.

Anasjelltas, Ian Maatsen, një produkt i të rinjve të Chelsea, u shit për afërsisht 43.3 milionë euro. Në këtë rast, lojtari në fjalë bëri 29 paraqitje në Premier League për Aston Villa sezonin e kaluar.

Dy klubet e Premier League-s kanë deklaruar se e kuptojnë dhe janë të vetëdijshme se në rast të shkeljes së marrëveshjeve të sapo arritura me UEFA-n, ato do të përjashtohen nga garat evropiane për një sezon.