Nga Ksamili te Alpet, “Skyscanner” promovon Shqipërinë si destinacionin më ekonomik për pushime
Presidenti i Republikës së Shqipërisë, Bajram Begaj, ka përkujtuar sot masakrën e Reçakut, duke nderuar martirët e saj.
Në një mesazh përkujtimor, Begaj theksoi se denoncimi i masakrës 27 vite më parë nga Ambasadori William Walker ndërgjegjësoi komunitetin ndërkombëtar për gjenocidin që po ndodhte në Kosovë. Sipas tij, ky ndërgjegjësim solli Konferencën e Rambujesë, ndërhyrjen e NATO-s, lirinë, shtetin e Kosovës dhe paqen që sot gëzohet bashkërisht.
Presidenti Begaj u shpreh se kjo masakër nuk mund të harrohet dhe se thirrja për drejtësi nuk mund të shuhet, duke nderuar martirët e Reçakut dhe shprehur mirënjohje për aleatin strategjik, Shtetet e Bashkuara të Amerikës. /RTKLive
