Arrestohen dy shtetas të Shqipërisë në Vërmicë, dyshohen për shitblerje të narkotikëve

Dy shtetas të Shqipërisë janë arrestuar në pikëkalimin kufitar në Vërmicë pasi dyshohen për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Sipas raportit 24 orësh të Policisë, në rastin e parë të dyshuarit iu gjet momaimë mbi 104 gramë. I dyshuari u dërgua në mbajtje, raporton “Betimi për Drejtësi“.

“SPK-Vermicë, 19.06.2026 – 10:00. Është arrestuar i dyshuari mashkull shtetas i Shqipërisë, pasi që gjatë kontrollit më të detajuar të veturës, tek i njëjti është gjetur dhe konfiskuar një sasi me substancë narkotike të llojit kokainë me peshë 104 gram e 83 mg, një veturë dhe një telefon. Me vendim të prokurorit i dyshuari është dërguar në mbajtje për 48 orë”, njofton Policia.

E në rastin e dytë, thuhet se të dyshuarit iu gjetën 5.53 gramë marihuanë. I dyshuari u lirua në procedurë të rregullt.

“PKK Vermicë, 19.06.2026 – 12:24. Është arrestuar i dyshuari mashkull shtetas i Shqipërisë, pasi që gjatë kontrollit më të detajuar të veturës, është gjetur dhe konfiskuar një sasi me substancë narkotike e llojit marihuanë me peshë 5.53 gramë. Me vendim të prokurorit i dyshuari pas intervistimit është liruar në procedurë të rregullt”, njofton Policia. /BetimipërDrejtësi