Vetëm gjatë muajit mars në komunën e Gjakovës janë regjistruar 85 zjarre.
Shërbimi i zjarrëfikësve ka intervenuar në shuarjen e 41 zjarreve malore, 20 zjarreve fushore, 10 zjarreve në ndërtesa publike, dhe pjesa e mbetur në hapësira tjera. Drejtori për mbrojtje dhe shpëtim Haxhi Sejdiu ka deklaruar se shifra në fjalë është e lartë.
Ai gjithashtu deklaroi se do të bëhet përpjekje e vazhdueshme që në secilin rast të zjarreve të bëhen hetime me qëllim të evidentimit të shkaktarit të zjarrit.
Shkaktimi i qëllimshëm i zjarrit ose kryerja e aktiviteteve bujqësore si djegia e barërave dhe mbeturinave të tjera me origjinë bimore është e ndaluar me ligj, këto gjithashtu janë edhe shkaqet kryesore më të shpeshta të zjarreve. Ato dëmtojnë pyjet, bimësinë dhe mjedisin ka shtuar drejtori Sejdiu.
