Në fshatin Ponoshec të Gjakovës është raportuar se në Qendrën e Mjekësisë Familjare mungojnë rreth 400 litra naftë.
Në vendin e ngjarjes kanë dal njësitet policore dhe po merren me rastin.
“Fsh. Ponoshec, Gjakovë, 04.11.2021-09:00. Ankuesi mashkull kosovar, ka njoftuar se në qendrën e mjekësisë familjare mungojnë rreth 300-400 litra naftë. Në vendin e ngjarjes kanë dalë njësitet policore dhe janë duke hetuar rastin”, thuhet në raportin e Policisë së Kosovës.
Ndryshe, për vjedhjen e rreth 2 mijë litrave naftë në QMF në Gjakovë policia ka njoftuar edhe gjatë ditës së enjte.
Policia e Kosovës ka njoftuar se nga rezervuarët e Qendrës së Mjekësisë Familjare në Gjakovë në dy raste është raportuar se janë vjedhur nga 1 mijë litra naftë.
Sipas raportit të Policisë së Kosovës, të dy rastet kanë ndodhur gjatë ditës së mërkurë, me një diferencë prej 1 orë nga njëra tjetra.
“Gjakovë 03.11.2021 – 15:30. Është raportuar se nga rezervuari i naftës në QMF janë vjedhur rreth 1000 litra naftë. Rasti është duke u hetuar”, thuhet në komunikatën e policisë.
Po ashtu rasti tjetër që është duke u hetuar për të njëjtin dyshim në Gjakovë.
Lajmin e ka konfirmuar për Tv Syrin edhe drejtoresha në detyrë e Shëndetësisë në komunën e Gjakovës Afërdita Spahiu-Shllaku.
