Ish-ministri i Punëve të Jashtme Enver Hoxhaj ka komentuar dorëheqjen e kryeministrit të Maqedonisë së Veriut Zoran Zaev.
Hoxhaj në Facebook ka thënë se dorëheqja e Zaevit është lajm i keq për Maqedoninë e Veriut, për shqiptarët atje, për Balkanin, për zgjerimin e BE-së si dhe për Perëndimin.
Ai ka deklaruar se “Zoran Zaev është viktimë e mosmbështetjes së BE-së sikurse edhe disa liderë të tjerë në Ballkan”.
“Dorëheqja e Zoran Zaevit është lajm i keq për Maqedoninë e Veriut, për shqiptarët atje, për Balkanin, për zgjerimin e BE-së dhe për Perëndimin! Kam bashkëpunuar me qeveri të ndryshme të Maqedonisë së Veriut, por nga bashkëpunimi me të dua të ngre lartë arritjet e tij historike! Zoran Zaev është viktimë e mosmbështetjes së BE-së sikurse edhe disa liderë të tjerë në Ballkan!”, ka shkruar ai në Facebook.
