Shtretërit kanë mbetur të zbrasur….
Që nga fillimi I pandemisë e deri më sot, për herë ta parë në spitalin e përgjithshëm “Isa Grezda” në Gjakovë nuk ka asnjë pacientë pozitiv me Covid-19.Drejtori I këtij institucioni Hilmi Shala tha se ky është lajmi më i miri për qytetin e Gjakovës që nga përballja me virusin.
Dihet se spitali i Gjakovës i është rikthyer noramlitetit rreth një muaj më parë dhe se trajtimi i pacientëve me patologji të tjera po vazhdon në të gjitha repartet.
Shala ka theksuar se përveç që nuk ka pacientë që po trajtohen për Covid-19 poashtu në këtë institucion nuk rezultojnë pozitiv asnjë nga profesionistët shëndetësorë dhe infermierët. Vlen të theksohet se rreth 70% e stafit të spitalin Isa Grezda ka marrë dozën e parë të vaksinës dhe gjysma prej tyre janë vaksinuar edhe me dozën e dytë të vaksinës anti-Covid.
