24 orët e fundit në rajonin e Gjakovës: Dy raste të dhunës në familje, dyshime për dhunim të së miturës dhe arrestim për vrasje në tentativë

Dy raste të dhunës në familje janë raportuar në Gjakovë dhe Malishevë, ndërsa policia po heton një rast ku dyshohet se një e mitur është viktimë e dhunimit. Në një raport shtesë, është arrestuar edhe një person i dyshuar për vrasje në tentativë në Rahovec, rast i cili ishte raportuar më 29 tetor.

Drejtoria Rajonale Gjakovë

INCIDENTET KRIMINALE

DHUNË NË FAMILJE

· Gjakovë 12.11.2026 – 11:00. Është arrestuar i dyshuari mashkull kosovar (me probleme mendore), nën dyshimin se ka keqtrajtuar nënën e tij. Viktima ka refuzuar tretmanin mjekësor, ndërsa i dyshuari me vendim të prokurorit është dërguar në mbajtje.

· Malishevë 12.11.2026 – 18:30. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNIM

Gjakovë 12.11.2026 – 11:05. Është raportuar rasti ku dyshohet se një mashkull i rritur të ketë kryer marrëdhënie seksual me një vajzë të mitur. I dyshuar gjendet jashtë shteti. Rasti është duke u hetuar.

Raport shtesë:

VRASJE NË TENTATIVË

Rr. Vëllezërit Shabandula, Rahovec 29.10.2026 – 00:35. Lidhur me rastin, më 12.11.2026 është arrestuar i dyshuari mashkull kosovar dhe pas intervistimit, me vendim të prokurorit është dërguar në mbajtje.