Wadephul: Avancimi i Izraelit në Liban, shkak për shqetësim të madh
Ushtria e Kuvajtit ka njoftuar se ka zmbrapsur një sulm të ri me raketa dhe dronë, në atë që e ka cilësuar si një “sulm armiqësor” ndaj territorit të saj.
Sipas autoriteteve ushtarake, sistemet e mbrojtjes ajrore kanë arritur të neutralizojnë kërcënimet në kohë, duke shmangur dëmet e mundshme.
Në një deklaratë të publikuar në rrjetin social X, ushtria bëri të ditur se zhurmat e shpërthimeve të dëgjuara në disa zona të vendit kanë qenë rezultat i aktivizimit të sistemeve të mbrojtjes ajrore gjatë interceptimit të raketave dhe dronëve.
Ky incident vjen vetëm pak ditë pas një sulmi të ngjashëm të raportuar nga Kuvajti, të cilin autoritetet e lidhën më vonë me Iranin. Sipas raportimeve të mëparshme, Garda Revolucionare iraniane kishte deklaruar se kishte shënjestruar një bazë amerikane në rajon, si përgjigje ndaj sulmeve ajrore amerikane në territorin iranian.
Autoritetet kuvajtiane nuk kanë dhënë ende detaje të plota mbi pasojat e sulmit të fundit, ndërsa situata në rajon mbetet e tensionuar mes shkëmbimeve të vazhdueshme të akuzave dhe veprimeve ushtarake.
