Si prodhohet djathi, një ndër specialitetet e Qumështores Gexha
Formati i ri i All-Star Game ka përmbushur pritshmëritë, duke dhuruar spektakël dhe emocione në një mbrëmje të veçantë për basketbollin amerikan.
Në total u zhvilluan katër përballje mes tri formacioneve të ndryshme, duke e bërë edicionin e 75-të të kësaj ngjarjeje edhe më dinamik.
Fitues të trofeut u shpallën yjet vendas të NBA-së, të udhëhequr nga Anthony Edwards, i cili u zgjodh edhe lojtari më i mirë i turneut dhe mori trofeun prestigjioz “Kobe Bryant”.
Në finale, USA Stars dominuan përballë USA Stripes me shifrat 47-21, në një takim që pati pak histori. Ndikim të madh pati edhe lodhja e veteranëve, pasi finalja ishte ndeshja e tyre e tretë radhazi gjatë mbrëmjes.
Ylli i Minnesota Timberwolves realizoi 32 pikë në total, duke shtuar edhe 9 kërcime dhe 3 asistime, çka e bëri protagonist absolut të kësaj mbrëmjeje.
“Jam shumë i lumtur, për mua ky trofe do të thotë shumë. Unë e dashuroj Minesotën dhe Minesota më dashuron mua”, u shpreh 24-vjeçari pas marrjes së çmimit.
Rezultatet e ndeshjeve:
- World – Usa Stars 35-37 (pas kohës shtesë)
- Usa Stars – Usa Stripes 40-42
- Usa Stripes – World 48-45
- Finalja:
- Usa Stars – Usa Stripes 47-21
/RTKLive
