Zyrtarët rusë deklaruan të dielën se janë ende në pritje të një konfirmimi zyrtar nga pala ukrainase për realizimin e shkëmbimit të planifikuar të 6,000 trupave të ushtarëve të vrarë në fushëbetejë, shkruan Gazeta Sinjali.
Sipas mediave shtetërore ruse, gjenerallejtënant Alexander Zorin, përfaqësues i grupit negociator rus, tha se Rusia tashmë ka dorëzuar grupin e parë prej 1,212 trupash në vendin e shkëmbimit pranë kufirit, por nuk ka marrë ende përgjigje nga Kievi.
“Jemi në pritje të konfirmimit, por kemi sinjale se procesi mund të shtyhet deri javën e ardhshme,” u shpreh Zorin, raporton AP.
Rusia dhe Ukraina kanë shkëmbyer akuza reciproke që nga e shtuna, duke fajësuar njëra-tjetrën për rrezikimin e marrëveshjes së shkëmbimit, e cila u arrit gjatë një raundi bisedimesh të drejtpërdrejta në Stamboll të hënën. Megjithatë, këto bisedime nuk sollën përparim konkret drejt përfundimit të konfliktit.
