Parlamenti i ri i Gjermanisë mblidhet për herë të parë të martën me fraksionin më të fortë të opozitës Alternativa për Gjermaninë (AfD) e ekstremit të djathtë, derisa negociatorët kërkojnë të zgjidhin dallimet kryesore mbi taksat dhe migracionin që ka gjasa ë të dominojnë një qeveri të re koalicioni nën Friedrich Merz.
630 anëtarët e Bundestagut, 230 prej të cilëve janë zgjedhur rishtas, do të mblidhen në Parlament në një kohë unike në historinë gjermane të pasluftës.
AfD ka dyfishuar numrin e saj të vendeve në 152, ndërsa partitë e qendrës po rishikojnë politikën ushtarake dhe fiskale të vendit në përgjigje të kërcënimeve në rritje ndaj sigurisë europiane, shkruan The Guardian, transmeton Gazeta Express.
Deputetët që marrin mandate të martën variojnë nga mosha 23 deri në 84 vjeç. Më i riu është Luke Hoss, një student nga e majta ekstreme Die Linke, i cili ka premtuar të japë pjesën më të madhe të pagës së tij prej 11,000 € në muaj. Më i vjetri është Alexander Gauland, një ish-gazetar i AfD-së, i cili në vitin 2018 minimizoi Hitlerin dhe nazistët si “thjesht m** zogjsh në historinë tonë më shumë se 1000-vjeçare”.
Parlamenti i ri ka rreth 100 deputetë më pak se ai i mëparshmi pasi qeveria në largim reformoi ligjin zgjedhor të Gjermanisë për të zvogëluar fryrjen e vazhdueshme. Më pak se një e treta e deputetëve në Bundestagun e ri janë gra, pak më poshtë përqindjes se në legjislaturën e mëparshme.
Pabarazia gjinore është më e ulët në Partinë e Gjelbër, ku gratë përbëjnë 61.2% të deputetëve dhe më e larta në AfD, ku përbëjnë 11.8%. Gratë janë gjithashtu shumë të nënpërfaqësuara në qendrën e djathtë, duke përbërë 22.6% të deputetëve në Unionin Demokristian (CDU) dhe 25% të deputetëve në Unionin Kristian Social (CSU).
Ligjvënësit me origjinë të huaj janë gjithashtu në mënyrë disproporcionale të rrallë në parlamentin e ri. Përqindja e deputetëve me prejardhje migrantësht – ata me të paktën një prind që ka lindur pa shtetësi gjermane – është 11.6%, sipas vlerësimeve të grupit jofitimprurës Mediendient Integration, krahasuar me rreth 30% në popullatën e përgjithshme./express/
