Zelensky: Ukraina pranoi aeroplanë të tjerë luftarak F-16

Presidenti ukrainas Volodymyr Zelensky ka njoftuar se Forcat Ajrore të ushtrisë ukrainase kanë pranuar aeroplanë të rinj luftarakë F-16.

“Aeroplanë tjerë F-16 kanë arritur në Ukrainë. Rusët po gënjejnë se kanë rrëzuar diçka – ata nuk kanë rrëzuar asgjë. Lajm i mirë është se disa F-16 kanë arritur në Ukrainë”, tha Zelensky.

Në anën tjetër qendra kundër dezinformimit njoftoi se pretendimet për rrëzim të F-16 mbi rajonin Sumy, janë të rreme. Madje thonë se ky lajm i rremë u përhap nga rusët në kanale të ndryshme në Telegram.

Në vitin 2023, Shtetet e Bashkuara, Danimarka dhe Holanda ishin zotuar për dërgimin e F-16 në Ukrainë.

Në anën tjetër aeroplanët e parë që Ukraina i pranoi janë ata nga Holanda në tetor të vitit të kaluar, derisa tjerët priteshin të dorëzoheshin në fillim të shkurtit.

Ministri ukrainas i Mbrojtjes, Rustem Umierov ishte takuar me homologun belg Theo Francken, kah mesi i shkurtit për të diskutuar hapat e ardhshëm në implementimin e programit të F-16. /Telegrafi/